ခရမ်းလွန်ရောင်ခြည်မှကာကွယ်ရန်အချက်များ

နေ့စဉ်ဘဝမှာ မိမိကိုယ်ကို ခရမ်းလွန်ရောင်ခြည်မှ ကာကွယ်ရန် အရေးကြီးကြောင်း မကြာခဏကြားနေရပါတယ်။

• ဒါပေမယ့် ခရမ်းလွန်ရောင်ခြည်ဆိုတာ ဘာလဲ?
• သူတို့ရဲ့သက်ရောက်မှုတွေဆီကနေ မိမိကိုယ်ကို ကာကွယ်ဖို့ ဘာကြောင့် အရေးကြီးတာလဲ?

ခရမ်းလွန်ရောင်ခြည်သည် နေမှထုတ်လွှတ်သော လျှပ်စစ်သံလိုက်ဓာတ်တစ်မျိုးဖြစ်ပြီးUVA ၊ UVB နှင့် UVC ဟူ၍ သုံးမျိုးရှိပါသည်။

• UVA ရောင်ခြည်များသည် အရေပြားကို နက်ရှိုင်းစွာ စိမ့်ဝင်နိုင်ပြီး အရွယ်မတိုင်ခင် အိုမင်းရင့်ရော်မှုကို အထောက်အကူပြုသော်လည်း
• UVB ရောင်ခြည်များသည် နေလောင်ခြင်းကို အဓိကဖြစ်စေပြီး အရေပြားကင်ဆာဖြစ်ပွားမှုတွင် အဓိကအခန်းကဏ္ဍမှ ပါဝင်ပါသည်။
• UVC ရောင်ခြည်များသည် ကမ္ဘာ့လေထုမှ စုပ်ယူပြီး UVC ထုတ်လွှတ်မှုမှာ အရေပြားအတွင်းသို့ မစိမ့်ဝင်နိုင်သောကြောင့် သာမန်လူအတွက် အန္တရာယ်မရှိပါ။

ခရမ်းလွန်ရောင်ခြည် လွန်ကဲစွာ ထိတွေ့ခြင်းသည် နေလောင်ခြင်း၊ အရွယ်မတိုင်မီ အိုမင်းရင့်ရော်ခြင်း၊ မျက်စိပျက်စီးခြင်းနှင့် အရေပြားကင်ဆာ ဖြစ်ပွားနိုင်ခြေ တိုးလာခြင်းတို့ အပါအဝင် ကျန်းမာရေးဆိုင်ရာ ပြဿနာများကို ဖြစ်ပေါ်စေနိုင်ပါတယ်။

• UV Rays (သို့မဟုတ်)ခရမ်းလွန်ရောင်ခြည်များ မှ ဘယ်လို ကာကွယ်မလဲ?

> အပြင်ထွက်တဲ့အခါ SPF မြင့်တဲ့ နေရောင်ကာခရင်မ်ကိုလိမ်းပြီး UVA နှင့် UVB ရောင်ခြည်များ၏ ထိခိုက်မှုဒဏ်မှ သင့်မျက်လုံးကို ကာကွယ်ရန် UV အကာအကွယ်ပေးသည့် နေကာမျက်မှန်ကို ရွေးချယ်ပါ။

> ခရမ်းလွန်ရောင်ခြည် အပြင်းထန်ဆုံးဖြစ်သော နံနက် (၁၀)နာရီမှ ညနေ (၄) နာရီအတွင်း အတတ်နိုင်ဆုံးအရိပ်ထဲမှာနေပါ၊၊

> ခရမ်းလွန်ရောင်ခြည် တိုက်ရိုက်ထိတွေ့မှု အနည်းဆုံးဖြစ်အောင် အင်္ကျီလက်ရှည်၊ ဘောင်းဘီရှည်၊ ဦးထုပ်များ၊ထီး ကဲ့သို့သော အကာအကွယ်အ၀တ်အစားများ ဝတ်ဆင်ပါ။

> ခရမ်းလွန်ရောင်ခြည်၏သက်ရောက်မှုကို ပိုခံစားရမည့် ရောင်ပြန်ဟပ်သောမျက်နှာပြင်များကို သတိထားပါ။

* ခရမ်းလွန်ရောင်ခြည်၏ သက်ရောက်မှုများကို နားလည်ပြီး မိမိကိုယ်ကို အတတ်နိုင်ဆုံးကာကွယ်ပါက နေနှင့်ဆက်စပ်သော ကျန်းမာရေးပြဿနာများကို လျော့နည်းစေပြီး နေရောင်ကို ဘေးကင်းစွာ ခံစားနိုင်မည်ဖြစ်သည်။ ဒါကြောင့် နောက်တစ်ကြိမ် သူငယ်ချင်းတို့ အပြင်ထွက်တဲ့အခါ ခရမ်းလွန်ရောင်ခြည်ဒဏ်ကနေ အကာအကွယ်ယူပြီး နေရောင်ခြည်ရဲ့ အလှထဲမှ တစ်နေ့တာလှုပ်ရှားမှုလေးကိုစတင်လိုက်တော့နော်….