🦠 နီပါ ဗိုင်းရပ်စ်ပိုးသည် သစ်သီးစားသော လင်းနို့များမှ ကူးစက်တတ်ပြီး လူနှင့် အခြားတိရစ္ဆာန်များကို ကူးစက်စေနိုင်သော ရောဂါဖြစ်သည်။ နီပါ ဗိုင်းရပ်စ်ပိုးသည် လူတစ်ဦးမှတစ်ဦးသို့ လည်းကူးစက်နိုင်သည်။

🦠 နီပါ ပြင်းထန်ဗိုင်းရပ်စ်ရောဂါ ကူးစက်ခံရသူ ၁၀ ယောက်တွင် ၄ ယောက်မှ ၇ ယောက် ခန့်အထိ အသက်သေဆုံးနိုင်သည်။

နီပါ ဗိုင်းရပ်စ်ရောဂါသည် မပြင်းထန်သော ရောဂါလက္ခဏာများမှစ၍ ဦးနှောက်ရောင်ခြင်းနှင့် သေဆုံးခြင်းအပါအဝင် ပြင်းထန်သောရောဂါများအထိ ဖြစ်စေနိုင်သည်။

ရောဂါဖြစ်ပွားသူသည် ဖျားခြင်း၊ ခေါင်းကိုက်ခြင်း၊ ချောင်းဆိုးခြင်း၊ လည်ချောင်းနာခြင်းနှင့် အသက်ရှူရန်ခက်ခဲခြင်းတို့ကို ၃ ရက်မှ ၁၄ ရက်အထိ ခံစားရလေ့ရှိပြီး နောက်ပိုင်းတွင် အချို့လူများ၌ စိတ်ရှုပ်ထွေးခြင်း၊ မူးဝေခြင်းနှင့် တက်ခြင်း စသည့် ပြင်းထန်သော လက္ခဏာများဖြစ်စေသည့် ဦးနှောက်ရောင်ခြင်းကို ခံစားရနိုင်ပါသည်။ ထိုလက္ခဏာခံစားရသူများသည်၂၄ နာရီမှ ၄၈ နာရီအတွင်း သတိမေ့ခြင်းအဆင့်သို့ ရောက်သွားနိုင်သည်။ရောဂါပိုး ကူးစက်ခံရပါက ၄ ရက်မှ ၁၄ ရက်အတွင်း စတင်၍ နာမကျန်းဖြစ်လေ့ရှိသည်။

လူတစ်ဦး ကူးစက်ခံရပါက ဗိုင်းရပ်စ်ပိုးသည် လူတစ်ဦးမှ နောက်တစ်ဦးသို့ ဆက်လက်ကူးစက်နိုင်သည်။ရောဂါရှိသူအား စောင့်ရှောက်ပေးသူနှင့် ကုသမှုပေးသူတို့သည် ရောဂါကူးစက်နိုင်ခြေ ပိုများသည်။

နီပါ ဗိုင်းရပ်စ်ရောဂါ ကပ်အသွင် ကူးစက်မှုဖြစ်ပွားနေသည့် ဒေသတွင် နေထိုင်သူ သို့မဟုတ် ထိုဒေသသို့ ခရီးသွားမည်ဆိုပါက

👉 ဆပ်ပြာနှင့် ရေ အသုံးပြု၍ ပုံမှန် လက်ဆေးပါ။

👉 လင်းနို့ သို့မဟုတ် နာမကျန်းဖြစ်နေသော ဝက်များကို ထိတွေ့ခြင်းမှ ရှောင်ကြဥ်ပါ။

👉 လင်းနို့များ အိပ်စက်နားနေရာ နေရာများကို မသွားပါနှင့် (သို့မဟုတ်) လင်းနို့များနှင့် ထိတွေ့ညစ်ညမ်းစေနိုင်သည့် မည်သည့်အရာမဆို ထိတွေ့ခြင်း မပြုပါနှင့်။

👉 လင်းနို့များနှင့် ထိတွေ့ညစ်ညမ်းနိုင်သော သစ်သီးများနှင့် ထန်းရည်ကို စားသောက်ခြင်းအား ရှောင်ကြဥ်ပါ။

👉 ရောဂါရှိသူ၏ သွေး သို့မဟုတ် ခန္ဓာကိုယ်မှ အရည်များနှင့် ထိတွေ့ခြင်းကို ရှောင်ကြဥ်ပါ။

Nipah Virus ဟာ ပြင်းထန်နိုင်တဲ့ ရောဂါဖြစ်ပေမယ့်သိထားပြီး ကာကွယ်နိုင်မယ်ဆိုရင် ထိန်းချုပ်နိုင်ပါတယ်။ကာကွယ်ခြင်းက ကုသခြင်းထက်ပိုကောင်းပါတယ်။

🌟 အချို့သောအချက်အလက်များအား Internet မှတဆင့် ကိုးကားပါသည်။